Taal: Nederlands Taal: Venloos (aktief)

Ós nieje stök

Inhald

D’r is crisis beej ’t Volkstheater Frans Boermans. Juus met eur tieënde veurstelling, eur jubileumstök, wilt ’t maar neet lökke. Waat is typisch volkstheater? Waat is echte Venlose humor? De schriever zit met zichzelf in de knup. Hae haet ’n writer’s block en de naosleip van Corona werk ouk al neet inspirerend.

’t Bestuur praot al maonde in ’n kringske. Ze kómme genne stap vaerder. Vanoet d’n hemel bekieke Sef Cornet en Frans Boermans zich daen ozel en begriepe neet wie ’t zoeë mis kin gaon met de Venlose volkskultuur. Zeej hebbe toch ’t goje veurbeeld gegaeve?!

‘Ós nieje stök’ is volksteniel met vuuel herkinbaarheid veur de Venlonaer. De makers hebbe eur verbeelding de vreje loup gelaote. ’t Risseltaat is ’n kolderiek en mei melancholisch volkssprookje met óntreurende en hilarische momente wao-in  ’t werk van Sef Cornet en Frans Boermans extra aandach krieg. ’n Bezóndere tenielervaring veur de leefhebbers van ’t Volkstheater!

Hald de (sociale) media en dees website in de gater veur data en kaartverkoup.

Speulers

Ós kreatief team haet 'n aovendvöllende veurstelling geschreve wao in de volgende zestieën speulers ónder leiding van regisseur Marnix Mulder acte de présence zulle gaeve; 

Anne-marie Verberkt - Baer Titulaer - Guusje Hazenbosch - Harold Dückers - Herm Pollux - Herman Houkes - Ine van der Vorst - Jeroen van den Ham - Kitty Roeffen - Mariëlle Billekens - Maud Jansen - Mirjam Alders - Petro Janssen - Roel Verberkt - Sadie Cartigny - Stan Dekkers.