Welkóm beej 't Theater van 't Laeve

Welkóm op de website van ‘t Volkstheater Frans Boermans, geneump nao de, in 1999 euverleje, groeëte Limburgse teksdichter Frans Boermans. Weej zien 'n stichting zónder winsbejag met as doel theaterveurstellinge in 't plaatselik dialek meugelik te make nao de ideeë van Frans Boermans.

Leef en leid aan de Lieëge Loswal (medio november 2025)

In 1930 is ’t laeve van d’n have-arbeider zwaor. Daagloeëners werke veur Franssen Booten aan de Lieëge Loswal. Zwaore zek waere op de nek euver ‘n smale loupplank ’t ruum in en oetgedrage.

Rieke Venlonaere make d’n deens oet en vorme met de kerk en de gezachsdragers ‘n baovelaog die zich de hand baove de kop hilt. De börgerie mót netjes in de pas loupe en neet tevuuel spatjes hebbe.

Op ’t  Maasschriksel is d’n ermood groeët  en de samehang sterk, maar hardop klage dörf me neet. As in de have waat ónverwachs gebeurt, zien de póppe aan ‘t danse en kump de waore aard van de mins nao baove.

Volkscultuur

Volksteniel laef in Noord-Limburg, de veurstellinge zien meistal oetverkoch. De productie wuurt meugelik gemak door instellinge en óndernemers die ein werm hert hebbe veur de volkscultuur.

Deze website is geschreven in het Venloos, een van de Limburgse dialecten in het Nederlandse taalgebied. Wij gebruiken de meest recente spelling uit het jaar 2003. Klik hier om de website in het Nederlands te lezen.

Laot diene droum waor waere: Waer akteur!

Altied gedruimp um ens op de plenk te staon in ’n good tenielstök? Dan leet heej dien kans! Volkstheater Frans Boermans is doorloupend op zeuk nao nieje speulers veur eur veurstellinge.

Hebse enige ervaring met teniel of zoelse gaer ens kinnismake met dialektheater, dan leet d’r noow ’n kans um te óntdekke of det iets is waat beej dich pas. Ouk asse gen ervaring hebs maar asse dinks: ‘det zoel ik gaer ens perbere” dan bisse meschiens de kandidaat wao weej nao op zeuk zien. Weej wille ózze vaste speulersgroep gaer oetbreije met enthousiaste jónge minse.  Weej zien met name op zeuk nao jónge manne in de laeftied van 20 jaor. Maar asse neet mier zoeë jóngk bis (en genne man), bisse ouk welkóm. Nao dien aanmelding make weej ’n aafspraok um same te kieke of d’r ’n rol veur dich is weggelag. Weit det tenielspeule hard werke is. De mós teks van boete liere en vuuel en serieus rippetaere. Maar asse de vaerdigeid tenielspeule te pakke hebs, dan leet dien beloeëning in ’t spotleech op ’t podium. Same met ’t team van ’t Volkstheater make weej veurstellinge waobeej weej perbere zó’n hoeëg meugelik niveau te bereike. Via ’t Volkstheater Frans Boermans hebbe al verschillende acteurs van eur hobby eur beroep gemak. Dich wuurs umringk door ervare speulers en ’ne professionele staf.

Oetgangspunt beej ’t Volkstheater Frans Boermans is det idderein zich veilig mót veule um ’t beste oet zichzelf te haole. Dus: veulse dich aangespraoke, trek de stoute schoon aan en gangk dees oetdaging aan! Dich kins dich aanmelde via de e-mail.

Meiwerkers

Kiek heej nao de meiwerkers.

Speulers 

De speulers verschille per veurstelling. Kiek heej nao de veurstellinge met speulers.

Data en kaartverkoup nieje veurstelling

Klik heej veur data en kaartverkoup.

Privacywet AVG 

Os stichting zal de wet "Algemene Verordening Gegevensbescherming AVG" toepasse en d'r alles aan doon um persoeensgegaeves veilig te stelle.